Skriv en tekst her

Dagrøkt

39 børn ganga í dagrøktini á Viðareiði í aldrinum 0 – 10 ár. Harav ganga 10 í skúlafrítíðaransingini SFA.

Ùtgangstøðið í øllum virkseminum í dagrøktini er trivnaður, læring og menning, sum er fyri barnsins besta. Okkara heildarætlan er at stuðla einstaka barninum, so tað mennist við øllum teimum førleikum og møguleikum, sum tey hava.

Okkara námsfrøðiliga uppgáva er at skapa og tryggja eitt umhvørvi við umsorgan og tryggleika, sum hjálpir barninum at handfara dagligu avbjóðingarnar í mun til aldur og menning. Okkara dagliga virksemi byggir á áhugan hjá barninum og tí hevur tað alstóran týdning at hetta kennist hugaligt, trygt og læruríkt hjá barninum. Vit arbeiða tilvitað við týdninginum av viðurkennandi sambandi og týdningin av at vera partur av einum mennandi felagskapi

Í dagrøktini arbeiða vit miðvíst við ymiskum evnum og verkætlanum, og hevur tað týdning fyri okkum at barnið hevur tíð til djúphugsan og grundan. Tann lurtandi námsfrøðin er grundarsteinurin undir okkara evnum og verkætlanum saman við námsætlanum og stevnumiðunum. Spælistovan, saman við náttúrini, er fastur karmur fyri dagliga námsfrøðiliga virksemi okkara. 

6 dagrøktarar, ein námsfrøðingur og ein leiðari starvast í dagrøktini.
Leiðari: Diana Borgnýardóttir tlf 231084
 

Skúlin

Í 1986 varð nýggjur skúli bygdur á Viðareiði.
Í skúlanum ganga 39 næmingar frá 1.-7. flokk. Tá næmingarnir skulu í framhaldsdeild, fara teir til Klaksvíkar at ganga í skúla.

Í skúlanum starvast fimm lærarar og ein námsfrøðingur. Skúlin hevur samstarvar við Skúlatrøð um AKT-lærara, serlærara, lesivegleiðara og lestrarvegleiðara. Eisini er ein musikklærari knýttir at skúlanum.

Í skúlanum eru fleiri vanligar skúlastovur, køkur, bókasavn, ein serstova, ein smíðstova og fimleikarhøll.

Tá næmingarnir hava svimjing, fara teir til Klaksvíkar at svimja.

Heimasíða skúlans er: http://vis.fo

Skúlafrítíðaransingin SFA

Skúlafrítiðaransingin, sum er ein eind undir dagrøktini, heldur til í eini lon í skúlanum.

Tað eru 10 børn í SFA. Eisini vitja tey 6 ára gomlu børnini SFA hvønn dag. Hetta gevur teimum avbjóðingar, sum gevur eina góða barlast í samband við komandi skúlagongd. 

SFA leggur lunnar undir ríkar møguleikar fyri skapunarevnini, kropp og rørslu. 

Okkara heildarfatan av børnunum í SFA er, at øll børn hava rætt til umsorgan, spæl og mentan. Grundarlagið í virksemi okkara í SFA er altíð til fyri barnsins besta, og arbeiða vit tí miðvíst við at stuðla einstaka barninum í at mennast við øllum teimum førleikum og møguleikum, sum tey hava.   

Ungdómur

Í bygdarráðshúsinum er eitt tilboð til ung frá 6. flokki at møtast
manakvøld og mikukvøld frá kl 19 -22

Her koma tey ungu saman at spæla borðspøl, kort, lurta eftir tónleiki o.a

Spælipláss

Viðareiðis kommuna hevur gjørt eitt spælipláss, sum liggur við skúlan – mitt í bygdini. Her kunnu børn hugna sær í kirvinum, reiggjunum, trampolini, danditrænum ella skreiðibananum.

Borð og benkur eru á økinum, har foreldrini kunnu sita og práta og kanska njóta ein góðan kaffimunn og ein betri bita, sum tey hava tikið við heimaífrá.

Ítróttur

Tveir fótbóltsvallir eru í bygdini.

FIFA vøllurin liggur eystanfyri skúlan og er til almenna nýtslu eftir skúlafrítíðini.

Eisini er ein størri vøllur omanfyri skúlan, sum er almennur. Ljósmastrar eru settar upp, sum kunnu tendrast um kvøldið, um tað gerst neyðugt. Her eru øll vælkomin at spæla fótbólt, hondbólt, stikbólt ella annað.